Wednesday, February 15, 2012
အီတလီအတွက် ကျတဲ့မျက်ရည်
ရေးဖြစ်ခဲ့သော မြားနတ်မောင် တာဝန်ခံအယ်ဒီတာစကား (၂၃)
အီတလီအတွက် ကျတဲ့မျက်ရည်
ဒေါက်တာလွဏ်းဆွေ
မြားနတ်မောင်မင်္ဂလာမဂ္ဂဇင်းဟာ ဘောလုံးနဲ့ လားလားမျှ မသက်ဆိုင်တဲ့ မဂ္ဂဇင်းဖြစ်ပေမယ့် ကျနော်က ဘောလုံးဝါသနာအိုးတဦး ဖြစ်နေတာမို့ ကျင်းပပြီးစီးခဲ့တဲ့ (Euro-2000) ယူရို-၂၀၀၀ ဘောလုံးပြိုင်ပွဲကြီးက မြစ်ဖျားခံလာတဲ့ အကြောင်းအရာလေးတခုကို ပြောပြချင်လာမိပါတယ်။ ဘာဖြစ်လို့လဲဆိုတော့ အီတလီအသင်းနဲ့ ပြင်သစ်အသင်း ကန်တဲ့ နောက်ဆုံးဗိုလ်လုပွဲနေ့က ပွဲအပြီးမှာ ယောက်ျားတန်မဲ့ မျက်ရည်ကျခဲ့ရတဲ့ ဖြစ်ရပ်ကလေးကို သတိရနေမိလို့ပါပဲ။
အဲဒီနေ့က နောက်ဆုံးဗိုလ်လုပွဲကို ဗိုလ်ချုပ်လမ်းပေါ်က စင်ထရယ်ဟိုတယ် (Central Hotel) အပေါ်ထပ်မှာ ကြည့်ဖြစ်ခဲ့ပါတယ်။ ဘာကြောင့်မှန်းမသိ၊ ပွဲစကတည်းက ကျနော့်စိတ်က အီတလီအသင်းဘက်ကို အလိုလို အားပေးမိလျက်သား ဖြစ်နေပါတယ်။ ပွဲက ပထမပိုင်းမှာ ဂိုးမရှိ သရေဖြစ်နေပါတယ်။ ဒုတိယပိုင်း ပွဲပြန်စပြီး ၅၆ မိနစ်လောက်မှာ အီတလီရှေ့တန်းလူ ဒီဗက်ချီယိုက ဘယ်ခြေနဲ့ အသာလေး ပိတ်ပြီး ပြင်သစ်ဘက်ကို ပထမဂိုးလည်း စသွင်းရော ကျနော် ပျော်ပြီး ဘေးက ပရိသတ်တွေနဲ့အတူ ထခုန်မိပါတယ်။ ပြင်သစ်ဘက် အားပေးသူ အနည်းငယ်ကလွဲပြီး အကုန်လုံးနီးပါး ထခုန်ကြတာပါပဲ။ အီတလီအသင်းသားတွေ ပျော်နေကြတာကို ကြည့်ပြီး စိတ်ထဲကလည်း အရမ်းကြည်နူးနေမိတယ်။ ဒါပေမယ့် ပြင်သစ်အသင်းက ဂိုးသွင်းခံရပြီးနောက်ပိုင်း တရကြမ်း တိုက်စစ်ဆင်လာတဲ့အခါ အီတလီအသင်းအတွက် အစိုးရိမ်ကြီးစွာနဲ့ ရင်တမမ ကြည့်နေရပါတော့တယ်။ မိနစ် ၉၀ ကျော်လို့ ဒဏ်ရာရ အချိန်ပို (Injury Time) ထဲ ၀င်လာတော့မှ အီတလီ သေချာပေါက်နိုင်ပြီဆိုပြီး သက်ပြင်းချမိပါတော့တယ်။ ကွင်းအပြင်က အီတလီအသင်းသားတွေ တယောက်ပခုံး တယောက်ဖက်ခါ ပွဲသိမ်းခရာမှုတ်ရင် ကွင်းထဲပြေးဝင်ပြီး အောင်ပွဲခံကြဖို့ ပြင်ဆင်နေကြတာကို ကြည့်ပြီးတော့လည်း သဘောအကျကြီး ကျနေခဲ့ပါတယ်။
အဲဒီအချိန်မှာပဲ လုံးဝ မျှော်လင့်မထားတော့တဲ့ အဖြစ်အပျက်တခုက ကျနော့်ရဲ့ အပျော်စိတ်တွေအားလုံးကို အရုပ်ကြိုးပြတ် ပြုတ်ကျသွားစေပါတော့တယ်။ ပွဲသိမ်းခရာမှုတ်ဖို့ စက္ကန့်ပိုင်းအလိုမှာ ပြင်သစ်အသင်းက မထင်မှတ်တဲ့ ချေပဂိုးကို အီတလီဂိုးပေါက်ထဲ ကန်သွင်းလိုက်တာပဲ ဖြစ်ပါတယ်။ ပြင်သစ်ကို အားပေးသူ အနည်းငယ် ထက,ထခုန်တာကလွဲပြီး ကျန်ပရိသတ်အားလုံးလည်း ငြိမ်သက်တိတ်ဆိတ်သွားပါတော့တယ်။ အချိန်ပိုကန်ရတော့မယ့် အီတလီအသင်းအတွက်လည်း စိတ်ထင့်နေမိတော့တယ်။ အဲဒီလိုနဲ့ အချိန်ပို ပထမပိုင်းကို စိတ်တထင့်ထင့်နဲ့ ကြည့်နေစဉ်မှာပဲ ပြင်သစ်အသင်းက အနိုင်ဂိုး (ရွှေဂိုး) ကိုလည်း သွင်းလိုက်ရော ကျနော့်မျက်လုံးအိမ်မှာ မျက်ရည်တွေ အလိုလို ၀ိုင်းလာပါတော့တယ်။
အပြည့်အစုံသို့...
ဗိုလ်ချုပ်အောင်ဆန်းရုပ်ရှင် ဖြစ်မြောက်ရေး ရုံးခန်းဖွင့်ပွဲ အခမ်းအနား (ရုပ်သံ)
အယ်လ်ဂျာဇီးယားရုပ်သံက ထုတ်လွှင်တဲ့ ဒေါ်အောင်ဆန်းစုကြည် စည်းရုံးရေးခရီးစဉ်
No comments:
Post a Comment